فاصل قصير و نعود
امبارح دخلت قلت أبص على صورتي على الصفحه الأولى من البلغغ بتاعتي...
رميت عيـــن على التعليـقات...
و اذ بي ألاقي باني نجحت في اني أخلّي الناس ترجع تقرا في مجالات متعلّقه بالقيم و العادات (ساخر ولاّ مش ساخر.. أهه برضه حصل)... لكن بما اننا كشعب للأسف ميتجرّش الاّ بالتفاهه... فكان أسلوبي في الحديث لازم يكون ساخر... نظرا لأن موضوع حزب "فلانه" كان يدعو الى السخريه... و أنا لا أعني أن استخف بالمشاكل في حد ذاتها... ربّنا يكون في عون الغلابه منّنا... راجل أو ستّ... و لكن البنت اللى عندها مشاكل جوّه بيتها... سواء كان مع جوزها أو وأبوها أو أخوها أو سوّاق الميكروباص.. كونها تروح تدوّر عالحل برّه بيتها عند الغرب... ده شيء لا يدعو الاّ للشفقة للأسف...
و مش بس نجحت أني أخلّي الناس تقرأ... كمان خلّتهم يكرهوني غالبا...
I never thought I'd be able to fit into the asshole category
هاجموني عشان قلت على كلبوزه كلبوزه... و هاجموني عشان مبعرفش أكتب عربي و مفهمش في "فنّيات الكتابة"...
هاجموني عشان معرفتش أقتبس شخصية عتريس... مع اني لا عتريس و لا ممثّل و لا فلاح... حاولت... لكن مين يسمع...
أيام حرب لبنان... كتبت و كتبت.. و حسّيت بالذل و علّقت يمين و شمال و طالبت بوحدة... لكن زي ما أكون كنت بكلّم نفسي...شهر كامل أكلّم نفسي... و انتم في يوم واحد اتجمّعتم و عملتم جماعه و بقه الموضوع متّفق عليه... التفاهه فعلا.. فعلا بتجمعنا...
صدق اللى قال... البلد دي فعلا عايزه الحرق باللى فيها...
أدعو الله أن لا أكون قد جعلت أحد يشعر أنه صغير الحجم أو أخرس القول أو وحيد المكمن... ايد لوحدها متصقّفش يا أخت ليلى... و كل راجل عارف كده... ليلى أهم من عتريس في الزمن المظلم اللى احنا عايشين فيه ده... استهدي بالله و ربّنا ان شاء الله مع المظلوم...
و للحديث بقيّه ان شاء الله...
و السلام عليكم و رحمة الله و بركاته...
