الظريف في الموضوع انهم دلوقتي تجاهلوا الكلام الشاذ (لأ متبصّليش كده) اللى كان بيتقال عن الصياعه و الشرمحه... و بيطالبوا بالمساواه... طب ما أنا نفسي و منى بقبق عين أمي الشمال (اللى بقى أكبر من بقبق عينها اليمين) اني أعرف مساواه أكتر من كده ازاي؟!

عايزين يسهروا و ينزلوا من البيت لابسين المحزّق من غير ما بابي يخاف عليهم؟ والله تصدّقوا بالله... انتم لو رحتوا لبابي بالبلوه دي كان طلّع البندجه من الفترينه و طخّكم بيها...

و بقووول تاااني.... لو الرجّاله كلاااب... متهوهووش في وشّهم...

الأم مدرسه.. شيرشيه لا فم... و كلام كتير... كله صح... بس بالمنظر اللى أنا شايفه ده... ألا و هو عدم الاتفاق على الأهداف... المطالبه بالمساواه... و المساواه سوو فاار منطقها عندكم هو النحلال الأخلاقي و انعدام القيم و كلام الانشاء اللى مبقاش يعجب حد في الزمن ابن الجاموسه (اللى متحلبتش لسه يا سنسن) اللى احنا عايشين فيه ده... يا

ترى لو واحده متجوّزه و جوزها لا قدّر الله مات... حتربّي بنتها اززاااي؟
حتسبها تصاحب؟ تخرج و ترجع وقت ماا يحلو لها؟
حتسبها تنزل بالبودره على وشّها (و تنسى الرقبه كعادة الفتيات المصريّات اللى مش عاجبهم لون بشرتهم)؟
حتسبها تنزل بروج ميتمسحش لو اتباست من طابور الجمعيه؟
ولاّ العطور الملفته للأنظار؟
ولاّ ولاّ ولاّ ؟؟!!

الكلام كتر ياد يا عتريس و الدنيا مبقتش جايبه همّها استغفر الله...
امبارح كلّنا ليلى... بكره يا ترى كلّنا ايه؟

ده الواد المكوجي قاللي انّه اتفرّج عالتلفاااز على مناظره بين الفقهاء (ألي الأمر) في انّهم عايزين يشيلوا سؤال البت بكر ولاّ لأ من القسيمه بتاعة الجواز.... طب لو هي اتجوّزت و اطّلقت مفيش مشاكل... مش معنى كده انّها كانت نكديّه (طالما انّها مكنتش منضمه لجماعة أبله ليلى)... ممكن جوزها كان حيوان... أيوه أنا أعترف... كتير من الرجّاله حيوانات... زي ما برضه كتير من النسوان عايزين الشوي على أنغام الباربيكيو..
لكن بقى لو مكنتش متجوّزه............... هنا بقى السؤال...

خايفين ليه؟ النهارده بقى فيه حلول للحاجات دي...
عمليه تحت كوبري السيّده ب200 جند..بس مفيش ضمان استمراريّة الموضوع ده... أو الأسهل... زي ما نص البنات الـ لا مؤاخذه بيقولوا:
"أصلي كنت بركب خيل"
و البت أصلا تلاقيها عمر ما أهلها ركبوا حماره حتى...

اللى البنات دي مش عارفاه انهم فعلا حيلاقوا شباب زي الورد واقف في صفّهم...
أنا بقى عندي ليكم خبر بألف جنيه...
الواد المنافق اللى بيقوللكم شدّوا حيلكم يا قوم ليلى عايز يضبّط واحده فيكم... و مفيش أحسن من أنه يبان أنّه هو الوحيد اللى فاهم مشاكلكم... مشاكل البت عالنت كتيره و أنا فاهمها كويّس قوي... تبقى البت قاعده و تلاقي واد كلب دخل يرميلها بقّين هو شايف انّهم يبيّنوا انه انسانSmart? Complex? Witty? Funny? و هو تلاقيه نقلهم بسلامته من مجلة ميكي.. فيه واد تاني بيحب ينجز.. فيقوم داخل على طول رامي Webcam Sex :D مشاكلكم كتيره زي ما مشكلنا كتيره... بس احنا بنعرف نحط أولويّات... لو الواد بتاع النت ده مشكله من مشاكلكم.. اطفي ال ام اس ان بتاعك و قومي أزرعيلك نعناع في البلكونه تعملي بيهم كبّاية شاي.

طب الحل فين يا معشر الرجال؟
الحل فين يا كبرات البلد يا مسؤولين؟
الحل فين يا بتوع اسلام أونلاين يا معدومي الرأي؟؟

أنا قايم أعمل الشاي و أكلّي حزمتين جرجير أهدّي بيهم أعصابي...
ليلى و أخواتها عندهم حق...
الحمار فعلا حمّال قسيّه..

بتحسّس على ايه ياد يا عتريس؟
البطحه قاعده هناك اهه...
حسّس بس متتأخّرش...
البطحه عملتلنا curfew و اللى حيتأخّر مش حيتضبّط بالليل...

آآآه منكم آآآآآآآآآآه